Yn maart 2020 spylje wy wer in prachtich stik. Op dit stuit binne de útfieringsjûnen pland op:
Freed 6 mrt
Tiisdei 10 mrt (Soos) (geanuleerd)
Freed 13 mrt
Sneon 14 mrt
D’Herbergh is slúten sa as eltsenien wit, dus moasten wy op syk nei in nije lokaasje. En wy binne slagge. Wy spylje no by Marcel Ponne oan de Tjongervallei yn de loads. Hiel wat oars, mar wy hawwe der nocht oan.
Ús dekorminsken (Johan Post en Jaap Groenland) kinne dan wol wat help brûke. As der noch frijwilligers binne, graach!!
Oefenje dogge wy earst by de Geele Bosch. It stik wat wy spylje en fierdere ynformaasje komme wol wer op de websides, yn De Brêge en yn De Raaptepper.
Dan ús plannen om in iepenloftstik te spyljen.
Wy tochten dat yn 2020 te dwaan, mar dat is in jier opskoot nei 2021. Wy binnen yn petear mei in skriuwer en dat giet de goede kant op.
Hjirfoar hawwe wy in soad frijwilligers nedich.
Minsken die us helpe wolle om dit slagje te litten.
Minsken yn it bestjoer fan de Stichting Herman de Streuper.
Ponghâlder – skriuwer – benaderjen fan fûndsen ensfh.
Minsken foar de catering, dekorbouw, klaaiing. In hiel soad minsken!!
Sa as jim al lêze, kinne wy, De Twa Doarpen en it Stichtingsbestjoer, dit net allinnich en wurdt der in berop dien op de ynwenners fan Ketlik/Mildam.
Dus meld jim oan.
Dat kin by: Bestjoer De Twa Doarpen en Moniek Bergsma foarsitter fan it Stichtingsbestjoer. Ek binne wy opsyk nei nije spilers en dan benammen MANLJU. It wurdt krap foar ús útfierings mar ek foar it iepenloftspul. Dus meld jim oan.
Melde kin by:
Jaap-Tjeerd Heida 06-21842370 Ymmie van Veen 06-37291009 Hennie van der Zee 06-22588400 Greet Brouwer 06-15893375